चितवनको नारायणी किनारमा आज मात्रै ५ जनाकोे शव भेटियो

चितवन ।
चितवनमा आजमात्र ५ जनाको शव भेटिएको छ। भरतपुरमा ४ जना र खैरहनिमा १ जना गरि ५ जनाको शव भेटिएको हो।
भरतपुर महानगरपालिका-१ ठिमुरा मा नारायणी नदिको किनारामा ३०० मिटरको फरक दुरीमा २ जना, भरतपुर-३ मा १ जना, भरतपुर-१६ मा १ जना र खैरहनि नगरपालिका-५ मा १ जना गरि ५ जनाको शव भेटिएको जिल्ला प्रहरी कार्यलय चितवनका प्रहरी नायव उपरीक्षक सुर्य बहादुर थापाले बताए।
थापाका अनुसार भरतपुर-१ मा अन्दाजी १४र१५ वर्षको महिला र ५० वर्षको पुरुषको सडेको अवस्थामा शव फेला परेको हो। भरतपुर-३ मा ५० वर्षिय महिलाको र खैरहनि-५ मा ५० वर्षिय पुरुषको शव भेटिएको हो। भरतपुर-१६ झनझनेमा १ जना कर्ण बहादुर सुनारको शव भेटिएको हो।
५ जनाको शव भेटिएकोमा ४ जनाको सनाखत हुन सकेको छैन। भने भरतपुर-१६ का १ जनाको सनाखत भइसकेको छ। भेटिएको शवहरु बाढीको कारणले ज्यान गुमाएका हुन कि भनेर अनुमान गरिएको छ।