चितवन, साउन १३ ।
नेपाल सरकारद्धारा प्रतिवन्धित नेत्रविक्रम चन्द ‘विप्लव’ नेतृत्वको नेकपाका चितवन जिल्ला इन्चार्ज लालबहादुर बिसी पक्राउ परेका छन् ।
चितवन प्रहरीले बिसीलाई सोमबार साँझ पूर्वीचितवनको राप्तीबाट नियन्त्रणमा लिएको हो । बिसीलाई अहिले जिल्ला प्रहरी कार्यालयमा राखेर सोधपुछ भइरहेको स्रोतले जनाएको छ ।
स्रोतका अनुसार बिसीसंगै विप्लवका अन्य जिल्ला नेताहरु समेत नियन्त्रणमा रहेका छन् । उनीहरुको अनुसन्धान भइरहेको छ ।-नारायणी अनलाइन
