दलदलेको अस्थाई प्रहरी पोष्ट शिल, रजहर प्रहरी कार्यालयबाट सेवा लिनुपर्ने

नवलपुर ।
पुर्वी नवलपरासीको देबचुली नगरपालिकामा रहेको अस्थायी प्रहरी पोष्टलाई शिल गरिएको छ । केही दिन अघि दलदले मुण्डे सडकखण्ड स्थित कैलाशचोकमा भएको दुर्घटनाका मोटरसाईकल चालकलाई आरडीटी पोजेटिभ देखिएकाले ती ब्यक्तिको पिसीआर रिपोर्ट नआउँदासम्म प्रहरी पोष्ट शिल गरिएको हो ।
अस्थाई प्रहरी पोष्ट दलदलेका प्रमुख अर्जुन रानाका अनुशार दलदले कार्यालयको सम्पुर्ण सेवा बन्द गरि रहजर प्रहरी कार्यालयबाट सेवा चलिरहेको र दलदले पोष्टका सम्पुर्ण प्रहरी कर्मचारी प्रहरी कार्यालयमा नै आईशोलेसनमा रहेको बताउनुभयो । दलदले चौकी ६ जना प्रहरी कार्यरत रहेका छन् ।
प्रहरी कार्यालयका अनुसार मोटरसाईकलको ठक्करवाट घाईते भएका बिरामी अंगभंग भई अस्पतालमा उपचार भईरहेकाले दलदलेबाट गएको टोलीले नियन्त्रणमा लिएर जिल्ला प्रहरी कार्यालयमा पठाएपछि उनलाई हिरासतमा राख्नुभन्दा पहिले आरडीटी गर्दा पोजेटिभ देखिएको हो ।
अहिले दलदलेले हेर्ने सेवाक्षेत्रमा आवश्यक कामका लागी रजहरको प्रहरी कार्यालय र कावासोतीको प्रहरी कार्यालयबाट प्रहरी खटाईएको जनाईएको छ ।