नवलपुरको सामुदायिक प्राकृतिक चिकित्सालयबाट थप ७ जनाले जिते कोरोना

नवलपुर ।

नवलपुरको रजहरमा रहेको सामुदायिक प्राकृतिक चिकित्सालयमा उपचाररत ७ जना कोरोना जितेर सोमबार घर फर्किएका छन् । कोरोना संक्रमित भएर उपचार गराईरहेका नवलपुरका विभिन्न पालिकाका ७ जनाको पछिल्लो पटक गरिएको पिसिआर रिपोर्ट नेगेटिभ आएपछी उनिहरुलाई निरोगिताको प्रमाणपत्र दिएर बिदाई गरिएको अस्पतालका निर्देशक डा बिनोद पौडेलले बताए ।

पौडेलका अनुसार आज कोरोना जितेकाहरु ९ दिन देखि १५ दिन सम्म आईसोलेशनमा रहेका थिए । सोमबार रजहरबाट पुर्ण निको भएर फर्कनेहरुमा गैंडाकोटका १ , बिनयी त्रीबेणीका ३ , भरतपुरका १ , मध्यबिन्दुका १ र बौंदीकालीका १ जना रहेका छन् । उनिहरु सबै पुरुष हुन् ।

उपचारका क्रममा आज निको भएकाहरुको मनोबल आफुहरुले उच्च पाएको र प्राकृतिक तरिकाबाट उहाँहरुको उपचार गरिएको अस्पतालका ब्यबस्थापक हरि सापकोटाले बताए । रजहरको सामुदायिक प्राकृतिक चिकित्सालयमा स्थापना गरिएको कोभिड- १९ अस्पतालबाट हालसम्म ३२८ जना निको भएर फर्किएका छन् ।

नवलपुरमा हाल सम्म ३९८ जना संक्रमित भएका छन् भने ति मध्य ३३७ जना निको भएर घर फर्किसकेको जिल्ला जनस्वास्थ्य कार्यालय नवलपुरका प्रमुख केशब चापागाईंले बताए ।सत्यकलम