नवलपुरमा आज मात्रै थपिए १३ कोरोना संक्रमित

नवलपुर ।
पूर्वी नवलपरासीमा आज मात्रै थप १३ जनामा कोरोना संक्रमण पुष्टि भएको छ । संक्रमण पुष्टिहुनेहरुमा गैडाकोट नगरपालिकामा १० जना र कावासोती नगरपालिकामा ३ जना रहेका छन् ।
गत भदौ ९ गते भृकुटी चोकमा संकलन गरिएको १०४ स्वाव मध्ये गैंडाकोटमा १० जनामा कोभिड १९ संक्रमण पुष्टी भएको हो । संक्रमण पुष्टी हुनेमा गैडाकोट २ का ५ जना र गैडाकोट ७ का ५ जनामा संक्रमण पुष्टी भएको हो ।
त्यस्तै कावासोती नगरपालिका वडा नम्बर २ का २ पुरुष र एक महिलामा संक्रमण पुष्टि भएको जिल्ला जनस्वास्थ्य कार्यालय नवलपुरले जनाएको छ ।