नवलपुरमा आज बिहानै थप ७ जनामा कोरोना, जिल्लामा जम्मा ४८७ संक्रमित

नवलपुर ।
नवलपुरमा आज (बुधबार) थप ७ जनामा कोरोना भाइरसको संक्रमण देखिएको छ । यो सँगै जिल्लामा कोरोना भाइरस संक्रमितको सख्या ४ सय ८७ पुगेको छ । जसमध्ये ३ सय ४१ जना भने उपचार पछि निको भइसकेका छन् र १ जनाको मृत्यु भएको छ ।

आज थपिएका सात संक्रमितमध्ये बिनयी त्रिवेणी गाउँपालिकाका ५ जना र गैंडाकोट नगरपालिकाका २ जना रहेका जिल्ला स्वास्थ्य कार्यालयले जनाएको छ ।

बिनयी त्रिवेणी ४ का ३५ र ४१ बर्षका महिला, ५४ र ४१ बर्षका पुरुष, बिनयी त्रिवेणी वडा नं. ३ की ५८ बर्षकी महिला रहेका छन् । यस्तै गैंडाकोट ९ की ४० बर्षकी महिला र ७६ बर्षका पुरुषमा कोरोना संक्रमण पुष्टि भएको हो ।