देवचुलीमा २ जना सहित जिल्लामा थप ५ जनामा संक्रमण पुष्टि,आज मात्रै जिल्लामा २८ जना संक्रमित

भिम भुसाल, नवलपुर ।
पूर्वी नवलपरासीमा थप ५ जनामा कोरोना संक्रमण पुष्टि भएको छ । गण्डकी प्रदेश स्वास्थ्य निर्देशनालयको जारी विज्ञप्तीका अनुशार देवचुलीका २, कावासोतीका २ र गैडाकोटका एक गरि जम्मा ५ जनमा संक्रमण पुष्टि भएको हो ।
संक्रमण पुष्टिहुनेहरुमा देवचुली ३ का ५७ वर्षिय पुरुष, ११ का ३१ वर्षिय पुरुष, कावासोती ३ का ३९ वर्षिय महिला र ४५ वर्षिय पुरुष रहेका छन् भने गैंडाकोट नगरपालिका ४ का ६० वर्षिय महिला रहेका छन् । यो सँगै आज मात्रै जिल्लामा २८ जना संक्रमित थप भएका छन् । थपिनेहरु अधिकांश समुदायस्तरका ब्यक्तिहरुरहेका छन् ।
जिल्लामा जम्मा संक्रमितको संख्या ६ सय १० जना पुगेको छ ।नवलपुरमा अहिलेसम्म ४ सय जना निको भएर फर्किएका छन् भने ३ जनाको कोरोनाको संक्रमणको कारण निधन भएको छ । नवलपुरमा अहिले २ सय ७ जना सक्रिय संक्रमित रहेका छन् ।