भिम भुसाल, देवचुली ।
नवलपरासी बर्दघाट सुस्ता पूर्व (नवलपुर)को देवचुली नगरपालिकामा कोरोनाको कन्ट्याक ट्रेसिङमा परेका ७२ जनाको स्वाब परिक्षण भएको छैन् । संक्रमण पुष्टि भएका देवचुलीका विभिन्न वडामा संक्रमित परिवारकै सदस्यले स्वाब परिक्षण गर्न नमानेका हुन् ।
देवचुली नगरपालिकाको ६, ८ र ९ नम्बर वडाका संक्रमित परिवारकै ६६ जना र वडा नम्बर ११ का ६ ब्यक्तिले स्वाब परिक्षण गर्न नमानेको स्वास्थ्य शाखा देवचुली नगरपालिकाले जानकारी गराएको छ । संक्रमण पुष्टि हुने डरले ट्रेसिङमा परेका ब्यक्तिहरुले समेत परिक्षण नगरी समुदायस्तरमा बिना सुरक्षा हिडडुल गर्दा संक्रमणको स्तर वृद्धि हुँदै गएको आँकलन गरिएको छ ।
परिक्षणको दायमा आउनुपर्ने र सुरक्षित रुपमा क्वारेन्टाईनमा बस्नुपर्ने ब्यक्तिहरु नै परिक्षण नगरि समुदायका अन्य ब्यक्तिसँग सम्पर्कमा रहदा थप संक्रमण बढ्ने अवस्था देखिएको छ ।
