मृगौलाकी विरामीलाई राप्रपा देवचुलीको उपचार सहयोग

माधव सुवेदी, देवचुली ।
मृगौलाको समस्याले सताएको एक बिरामी महिलालाई राष्ट्रिय प्रजातन्त्र पार्टी (राप्रपा)देवचुलीले उपचारका लागि सहयोग गरेको छ ।

३ वर्षदेखि उपचार गराइरहेकी देवचुली नगरपालिका वडा नं १६ आपचौरकी ४५ बर्षीय घना देवी थापालाई राप्रपाले औषधी उपचारका लागि सहयोग गरेको छ । दुवै मृगौलाले काम नगरेपछि तिन वर्षदेखि चितवन मेडिकल कलेजमा उपचार गराउँदै आएकी थापाको उपचारमा सहयोग गर्न राप्रपा पार्टीले दश हजार पाँच सय रुपैयाँ हस्तान्तरण गरेको हो ।

विहिबार अविरल बर्षाका कारण पनि विभिन्न क्षेत्रमा एक कार्यक्रम गरी राष्ट्रिय प्रजातन्त्र पार्टी देवचुली १६ का अध्यक्ष शसी किरण सुवेदी र राष्ट्रिय प्रजातन्त्र पार्टी केन्द्रीय युवा संगठन सदस्य सन्तोष थापा सहितको टोलीले मृगौलापीडितक घना देवी थापालाई उक्त रकम हस्तान्तरण गरेका हुन् ।