भिम भुसाल, देवचुली ।
पूर्वी नवलपरासीको देवचुली नगरपालिकामा कुनै पनि विद्यालयले भर्ना, अभिलेखिकरण वा अन्य कुनै पठनपाठनका नाममा एक रुपैयाँ पनि शुल्क लिन नपाउने भन्दै अभिभावकलाई विद्यालयमा शुल्क नतिर्न नगरपालिकाले आग्रह गरेको छ । शिक्षा समितिले सिफारिस गरेको शुल्कलाई कार्यपालिकाले निर्णय गरेर मात्रै शुल्कको निर्धारण गर्ने ब्यवस्था भए अनुशार नगरभित्रका कुनै पनि संस्थागत तथा सामुदायिक विद्यालयले हालको अवस्थामा शुल्क उठाउन नपाउने नगरपालिकाले बताएको हो ।
हालको अवस्थामा नगरभित्रका विभिन्न विद्यालयहरु अटेर गरि सञ्चालनमा आएको हुँदा पटक पटक विज्ञप्ती निकाल्दै विद्यालय नखोल्न सम्बन्धित विद्यालयहरुलाई आग्रह नगरपालिकाले आग्रह गरेको छ । कोभिड–१९ का कारण विद्यार्थिहरु विद्यालयमा उपस्थित नभएकोले कुनै पनि शुल्क तिर्नु नपर्ने नगर शिक्षा प्रमुख रामप्रसाद शर्माले पावर संदेशलाई बताउनुभयो ।
