नवलपुरका सरकारी कार्यालयमा सिमित कर्मचारी हुँदा समस्या

मिनाक्षी कंडेल,नवलपुर ।
जिल्लामा रहेका अधिकाशं सरकारी कार्यलयमा कर्मचारी अभाव रहेको बताइएको छ । कार्यलयमा सिमित कर्मचारी हुदा आवस्यक कार्य सम्पादन गर्न समस्या भएको कार्यलयका प्रमुखहरुले बताएका छन ।
जिल्लाकै घरेलु तथा साना उद्योग कार्यालय नवलपुरमा कर्मचारी संख्या न्यून हुदाँ कार्य सम्पादनमा कठिनाई भएको छ । कार्यालयमा १४ जनाको दरबन्दी रहेकोमा हाल ७ जना कर्मचारीले कार्यलयमा काम गरिरहेका छन । प्रदेशस्तरबाट लोकसेवा सञ्चालन गरी सम्बन्धित जिल्लाहरुमा कर्मचारी पठाउनुपर्नेमा हालसम्म लोकसेवाको परिक्षा सञ्चालन नै नभएका कारण समस्या उत्पन्न भएको घरेलु तथा साना उद्योग कार्यालय नवलपुरका प्रमुख बिक्रम सुवेदीले जानकारी दिनुभयो ।
कार्यालयमा दर्ता हुन आउने उद्योग र बाणिज्य दुवै तर्फको प्रशासनमा हुने सम्पूर्ण कामका साथै नविकरण,नामसारी,ठाँउसारी जस्ता काम सहित अनुगमन , नियमन र तालिम ७ जना कर्मचारीबाटै हुने हुदा कार्यसम्पादनमा कठिनाई भएको प्रमुख सुवेदीको भनाई छ । अहिले कार्यालयमा उद्योग दर्ता गर्नेको संख्या बढ्दै गएपछि कर्मचारीलाई भ्याईनभ्याई छ ।