देबचुली ।
देबचुली नगरपालिकाबाट प्रहरीले नगद रकम सहित ५ जना जुवाडे पक्राउ गरेको छ । आज तिहारको तेस्रो दिन देबचुलीका ५ जनालाई तास खेलिरहेको अवस्थामा नवलपुर प्रहरीले पक्राउ गरेको हो । देवचुली नगरपालिका–११, कैलास चोकमा संजय कुवरले संचालन गरेको पोल्ट्री फर्म भित्रबाट उनिहरुलाई पक्राउ गरिएको जिल्ला प्रहरी कार्यलय नवलपुरका सूचना अधिकारी प्रहरी निरीक्षक सागर पन्तले जानकारी दिनुभयो ।
उहाँका अनुसार करिव ८० हजार ७ सय ४५ रुपैया र १ सय ५९ पत्ती तास सहित उनिहरुलाई प्रक्राउ गरिएको छ । पक्राउ पर्नेमा पक्राउ पर्नेमा देबचुली ११. का ३७ बर्षीय अमरबहादुर गुरुङ, वडा नं. १४ का ४४ बर्षीय कृष्ण श्रेष्ठ र सुरेन्द्र श्रेष्ठ, वडा नं.१४ कै ३७ बर्षीय ओमप्रसाद पौडेल र वडा नं. १३ का २७ बर्षीय टेकराज शर्मा छन् ।
पक्राउ परेका पाँचै जनालाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको प्रहरीले जनाएको छ ।
