मित्रराष्ट्र चीनका राज्य परिषद् सदस्य तथा रक्षामन्त्री वेई फेङ्ही आज काठमाडौँ आउने भएका छन् । एकदिने भ्रमणका लागि उनि आज काठमाडौं आउन लागेका हुन् । शनिबार बिहान मात्र चिनियाँ सरकारले उनको औपचारिक भ्रमणको घोषणा गरेको थियो ।
एकदिने भ्रमणमा फेङहीले राष्ट्रपति विद्यादेवी भण्डारी तथा प्रधानमन्त्री एवं रक्षामन्त्री केपी शर्मा ओली, उपप्रधानमन्त्री ईश्वर पोखरेल तथा सुरक्षा निकायका प्रमुखसँग भेट्ने कार्यक्रम छ । सुरक्षा निकायमा भने विशेषगरी फेङ्हीले प्रधान सेनापति पूर्णचन्द्र थापालाई भेट्नेछन् ।
चिनियाँ जनमुक्ति सेनाका प्रमुखसमेत रहेका फेङ्ही आज नेपाल आउने र आज नै बंगलादेश जने बताइएको छ ।
२०७६ कात्तिक १ देखि ६ गतेसम्म चीनको भ्रमण गरेका उपप्रधान तथा तत्कालीन रक्षामन्त्री ईश्वर पोखरेलले उनलाई कात्तिक ३ गते नेपाल भ्रमणको निम्तो दिएका थिए । उनले निमन्त्रणालाई स्वीकार गर्दै उपयुक्त समयमा नेपाल भ्रमण गर्ने बताएका थिए ।
