जुवाको खालबाट नगद सहित देवचुलीमा ५ जना पक्राउ

देवचुली ।
पूर्वी नवलपरासीको देवचुली नगरपालीकाबाट नवलपुर प्रहरीले आईतवार दिउँसो करीव २ः०० बजे जुवाको खालबाट ५ जनालाई पक्राउ गरेको छ ।
देवचुली–९ एस मोड सुवेदी चोक स्थीत रामराज सुवेदीको घरको कोठामा जुवातास खेली रहेको अवस्थामा जिल्ला प्रहरी कार्यालय नवलपरासी पुर्व बाट खटिएको प्रहरी टोलीले खानतलासी गर्दा उनिहरुलाई पक्राउ गरेको हो ।
उनिहरुको साथ बाट करीव ३१ हजार ५ सय ४० रुपैयाँ सहित १५९ पत्ती तास बरामत गरेको प्रहरी कार्यलयले जानकारी दिएको छ ।

पक्राउ पर्नेमा देवचुली–७ का नन्द वहादुर गुरुङ र कृष्ण प्रसाद अर्याल त्यस्तै देवचुली–८ का खड्गजीत अस्लामी मगर त्यस्तै देवचुली–९ का रामराज सुवेदी र कमल प्रसाद वाचे मगर रहेको कार्यालयले जानकारी दिएको छ ।
पक्राउ परेका पाचै जनालाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको र सोहि अनुरुप कारवाही गरीने कार्यालयले जनाएको छ ।