संसद् विघठनको विरोध गर्दै कावासोतीमा मसाल जुलुस

नवलपुर ।
पूर्वि नवलपरासीको सदरमुकाम कावासोतीमा संसद् विघटनको विरोधमा साझाँ मसालजुलुस निकालेका छन् । प्रधानमन्त्री केपी शर्मा ओलीले संसद् विघटन गरेको विरोधमा नेकपा (दाहाल–नेपाल) समुहले मसाल जुलुस निकालेका हुन् ।
संविधानको भावना र मर्म विपरिध संसद् विघठन भएको भन्दै दाहाल–नेपाल समर्थित कार्यकर्ताले प्रतिगमन मुर्दावाद, नेकपा जिन्दावाद भन्दै नारा लगाएका थिए । जुलुसमा उक्त समूहका जिल्ला तहका नेता कार्यकर्ता तथा भातृ संगठनका कार्यकर्ता सहभागी थिए । अनेरास्ववियूका केन्द्रीय सदस्य हरी सिग्देलले नेतृत्व गरेको जुलुश कावासोतीको सभापति चोकबाट सुरु भएर जिल्ला प्रहरी कार्यालय नजिकैसम्म पुगेको थियो । सिग्देलले प्रधानमन्त्री ओलीले संसद् विघटन गरेर असंवैधानिक काम गरेको आरोप लगाए । जुलुसमा अनेरास्ववियु नवलपुरका संयोजक ठाकुर पराजुली , सहसंयोजक दिनेश केसी लगाएतका जिल्ला नेतृत्वको सहभागीता रहेको थियो ।संसद् विघटनपछि विभाजित नेकपा पूर्वी नवलपरासीमा दाहाल-नेपाल समूह बलियो देखिएको छ ।