शाही शक्ती नेपालद्धारा नवलपुरमा ४२ सदस्यीय समिति बिस्तार

नवलपुर ।
राज संस्था सहितको हिन्दु राष्ट्र माग गर्दै संघर्षरत शाही शक्ती नेपलाले देशभरिनै आफ्नो संगठन विस्तार गर्ने कार्यलाई तिव्रता दिएको छ । यसै क्रममा नवलपुरमा पनि राजेश मैनालीको अध्यक्षतामा ४२ सदस्यीय समिति बिस्तार गरेको छ । समितिको बरिष्ठ उपाध्यक्षमा गोपाल के.सी., उपाध्यक्ष ख्याम प्रसाद वस्याल र हरि गौतम, कोषाध्यक्षमा पिताम्बर भण्डारी, सचिव बिष्णु रेग्मी, सहसचिव भोला बि.क., जिल्ला प्रवक्तामा गणेश खनाल र जिल्ला संगठन प्रमुखमा सागर गैरे चयन हुनुभएको छ । कार्यक्रमको प्रमुख अथितिको रुपमा शाही शक्ति नेपाल केन्द्रीय समितिका संगठन विभाग प्रमुख सुनिल क्षेत्रीले गर्नु भएको थियो ।
संगठनले विभिन्न संर्घषका कार्यक्रम पनि अगाडि सारेकाे छ । प्रवक्ता गणेश खनाल दिनुभएकाे जानकारी अनुसार यहि पुस २७ गते पृथ्वी जयन्तीकाे अवसर पारेर राज संस्था र हिन्दु राज्यकाे पक्षमा बृहत् प्रर्दशन गर्ने कार्यक्रम रहेकाे जानकारी दिनु भयाे ।
त्यस्तै पछिल्लो समय राजनितिक पार्टी र नेतृत्वकर्ताहरुले जनताको मनोभावना अनुसार काम गर्न नसकेको, देशमा भ्रष्ट्रचार मौलाएको, वैदेशिक हस्तक्षेप वढेको भन्दै अव राज संस्था सहितको हिन्दुराष्ट बाहेक अन्य विकल्प नरहेकाले सम्पूर्ण राष्ट्रप्रेमी नागरिकहरु एक हुनु पर्ने प्रवक्ता खनालले बताउनु भयो ।