देवचुलीमा ट्रयाक्टर दुर्घटना हुँदा चालकको मृत्यु

 नवलपुर।
नवलपुरको पहाडी सडक–खण्डमा ट्रयाक्टर पल्टिदा चालकको मृत्यु भएको छ ।
दलदले–बुलिङटार खण्डको बुलिङटार–४ चुलीबोझामा शनिबार ट्रयाक्टर पल्टिदा देवचुली ९ का २५ बर्षका बिकास गोतामे मगरको मृत्यु भएको हो ।
दलदलेबाट बुलिङटारतर्फ जाँदै गरेको लु ३ त ७६०७ नम्बरको ट्रयाक्टर आफै अनियन्त्रित भई दुर्घटना भएको बुलिङटार प्रहरी चौकीले जनाएको छ ।
दुर्घटनामा घाइते भएका गोतामे मगरलाई उपचारको लागि पुरानो मेडिकल कलेज भरतपुर लगिएको थियो । अस्पताल पुर्याए पनि चिकित्सकले उनको मृत्यु भईसकेको बताएको प्रहरीले जनाएको छ । ट्याक्टर सडकदेखि अन्दाजी ३० मिटर तल खसेको प्रहरीले जनाएको छ ।