नवलपुर।
पुर्ब–पश्चिम मुख्य मार्ग अन्तर्गत देवचुलीमा ट्रकले मोटरसाईकललाई ठक्कर दिदा एक जना गम्भीर घाईते भएका छन् । मंगलवार भएको दुर्घटनामा देवचुली ५ का अन्दाजी ४५ बर्षका खडानन्द तिवारी घाईते भएका हुन् ।
लु ५१ प ६१६५ नं. को मोटरसाईकलमा पश्चिमबाट पुर्बतर्फ आउदै गरेका तिवारीलाई सोही दिशावाट आएको ना ६ ख ४७३३ नं. को ट्रकले ठक्कर दिएको अस्थायी प्रहरी चौकी दलदलेका प्रमुख अर्जुन रानाले जानकारी दिएका छन् ।
प्रहरीका अनुसार घाईते तिवारीको दुबै खुट्टा भाचिएको छ ।
ठक्करवाट घाईते भएका उनलाई भरतपुरको एलाईभ अस्पतालले काठमाण्डौको बि एण्ड बि अस्पताल रिफर गरेको छ । ठक्कर दिने ट्रक र चालकलाई ईलाका प्रहरी कार्यालय रजहरले नियन्त्रणमा लिएको छ ।
दुर्घटना देवचुली १५ प्रगतिनगरको धौलागिरी चोकमा भएको हो ।
