नवलपरासी ।
पश्चिम नवलपरासीको सुस्ता गाउँपालिका–२ मा पर्ने त्रिवेणी–वर्दघाट हुलाकी सडकमा शनिबार राति मोटरसाइकल दुर्घटना हुँदा एक जनाको निधन भएको छ । हुलाकी वाटोमा निर्माणाधिन कलबटमा मोटर साईकल ठोकिदाँ मोटरसाइकल चालक सुस्ता गाउँपालिका ३ रेवारेता निवासी २४ बर्षीय नरेश शर्मा बढईको निधन भएको हो ।
त्यसैगरी पूर्वी नवलपरासीमा भएको दुई छुट्टा छुट्टै सवारी दुर्घटनामा परी दुई जना घाइते भएका छन् । नवलपुर प्रहरीका अनुसार आइतबार विहान देवचुली नगरपालिका १३ टाँडीकोटमा पश्चिमबाट पूर्वतर्फ जाँदै गरेको बा २१ च ४९३९ नम्बरको स्कूल भ्यान र विपरित दिशाबाट आउँदै गरेको ना ४ ख ९३३१ नम्बरको मिनी ट्रक एक आपसमा ठक्कर खाँदा स्कूल भ्यान चालक गैडाकोट १४ निवासी २७ बर्षीय महेष कोइराला घाइते भएका छन् । उनलाई स्थानीय मेडिकलमा सामान्य उपचार पछि थप उपचारका लागि चितवन पठाइएको छ ।
त्यसैगरी शनिबार राति गैडाकोट ११ भेडाबारीमा नम्बर नखुलेको सवारी साधनको ठक्करबाट भेडाबारी निवासी ४० बर्षीय घनश्याम सापकोटा गम्भीर घाइते भएका छन् ।
उनको पुरानो मेडिकल कलेज चितवनमा उपचार भइरहेको नवलपुर प्रहरीले जनाएको छ ।
