दयाराम आचार्य, देवचुली ।
विद्यालय स्तरीय विपद व्यवस्थापन योजना तर्जुमा कार्यशाला आजदेशी देवचुली नगरपालिकामा शुरु भएको छ । देवचुली नगरपालिकाको भिमसेन माध्यामिक विद्यालयमा दिगो खानेपानी तथा क्षमता अभिवृद्धि परियोजना (नापावास)को आयोजनामा चार दिने विद्यालय स्तरीय विपद व्यवस्थापन योजना तर्जुमा कार्यशाला आज देखी शुरु भएको हो ।
विपदको बारेमा जानकारी दिने, विद्यालयमा रहदा कुनै विपदका घटना घटे के गर्ने, कसरी व्यवस्थापन गर्ने र विपदका कारण हुने क्षती न्यूनिकरणमा सहयोग पुर्याउने उद्येश्यले कार्यशालाको आयोजना गरिएको नापावासका प्रोजेक्ट म्यानेजर प्रविण घिमिरेले बताउनुभयो । चार दिनसम्म चल्ने कार्याशालामा विपद पूर्व अपनाउनुपर्ने सावधानी, विपदको समय र विपदपश्चात भएको क्षती न्यूनिकरण र व्यवस्थापन कसरी गर्ने भन्ने विषयमा समेत जानकारी प्रदान गरिने प्रोजेक्ट म्यानेजर घिमिरेले बताउनुभयो ।
दुई दिनसम्म सैदान्तिक हिसाबले विपदका बारेमा जानकारी प्रदान गरिने र तेश्रो र चौथो दिन क्रमश कुनै विपद घटिहाले तेसको व्यवस्थापन, विपदका समयमा कसरी सुरक्षित रहने,विपदपश्चात कसरी उद्धार गर्ने, फस्र्ट एड किट, अन्य अत्यआवश्यकीय सामाग्रिको व्यवस्थान कसरी गर्ने लगाएतका विषमा प्रयोगात्म रुपमा सिकाइने छ ।
कार्यशालाकै क्रममा विद्यालय स्तरमा भएका विपदको पहिचान, र त्यको व्यवस्थापनाकालागि कार्ययोजना समेत निर्माण गरिने छ । आजबाट शुरु भएको चार दिने कार्यशालामा भिनसेन मावि र कालीका माविका विद्यार्थी, शिक्षक,विद्यालय व्यवस्थापन समितिका पदाधिकारी, अभिभावक लगाएत गरी तीस जनाको सहभागिता रहेको नापावासका प्रोजेक्ट म्यानेजर घिमिरेले बताउनुभयो ।
कार्यशालामा प्रशिक्षक राजकुमार लम्सालले प्रशिक्षण प्रदान गर्नुभएको छ । नापावासले देवचुली नगरपालिकामा खानेपानी र सरसफाईका क्षेत्रमा काम गर्दै आएको छ । विद्यालय वास कार्यक्रम भित्र अन्र्तगत विपद व्यवस्थापनको कार्ययोजना पनि पर्ने र विद्यालय स्तरमा विपदका बारेमा तालिप लिएको जनशक्ति पनिरहनुपर्ने भएकाले यस प्रकृतिको कार्यक्रम विद्यालयमा संचालन गरिएको जनाइएको छ । नापावासको परियोजना अहिले अन्तिम चरणमा पुगेको र परियोजना थप हुँदै गए आगामि दिनमा अन्य विद्यालयमा समेत विपद व्यवस्थापन योजना तर्जुमाका कार्यक्रम संचालन गरिने नापावासका प्रोजेक्ट म्यानेजर घिमिरेले बताउनुभयो ।
