चोरमारा ।
एक दिन एक रुपैयाँ दान अभियानले मध्यबिन्दु–७ चोरमारा निवासी सुजन पंगेनीलाई एक बर्षभरि लाग्ने शैक्षिक खर्च सहयोग गरेको छ । नवजागरण नमुना मा. वि. मा कक्षा ३ मा अध्ययनरत पंगेनीको आर्थिक अबस्था अत्यन्त दयनीय भएकोले शैक्षिक लगानीमा सहयोग गरेको अभियान नवलपुरका संयोजक सौगात भुषालले बताउनुभयो ।
आमा माया पंगेनी र बाबा होमनाथ पंगेनीका छोरा सुजन पंगेनीको आर्थिक अवस्था नाजुक रहेकाले एक वर्षभरिका लागि अध्ययनमा लाग्ने खर्च अभियानले ब्यहोर्ने अभियानकै सदस्य सुनिल भुषालले जानकारी दिनुभयो । बुवा बैदेशिक रोजगारिकका क्रममा कतारमा रहेता पनि स्वास्थमा समस्या भएकाले बर्षभरि पर्याप्त खान समेत समस्या भएकाले बालकलाई पठनपाठनमा अभियानले आर्थिक सहयोग गरिएको छ ।
हरेक दिन एक रुपैया दान अभियानले विभिन्न क्षेत्रमा पुगि आर्थिक, भौतिक तथा नैतिक सहयोग समेत गर्दै आएको छ ।
