संसद बैठकअघि सांसदहरुलाई काेराेना खोप लगाइने, तोकियो मिति, समय र स्थान

फागुन २३ गतेदेखि सुरु हुनेगरी प्रतिनिधि सभा बैठक तोकिएपछि संसद सचिवालयले संसदका पदाधिकारी, सांसद, कर्मचारी, सुरक्षाकर्मी, सञ्चारकर्मीलगायतलाई कोभिड–१९ विरुद्धको खोप लगाउने मिति, समय र स्थान सार्वजनिक गरेको छ।

संसद सचिवालयले फागुन १९ गते बुधबार प्रतिनिधि सभाका सभामुख, राष्ट्रिय सभाका अध्यक्ष, उपाध्यक्ष र प्रतिनिधि सभा तथा राष्ट्रिय सभाका सबै सांसदलाई सो खोप लगाउने बताएको छ।

नयाँ बानेश्वरस्थित सिभिल हस्पिटलमा खोप लगाउने व्यवस्था गरिएको सो सचिवालयले जनाएको छ।

सोहि दिन सचिवालयका महासचिव, सचिव र अन्य विभिन्न शाखाका कर्मचारीले पनि लगाउन सक्नेछन्।

त्यसैगरी, बिहीबार र शुक्रबार पनि सचिवालयका कर्मचारी, सुरक्षाकर्मी, सञ्चारकर्मी लगायतलाई पनि सोहि अस्पतालमा खोप लगाउने व्यवस्था गरिएको छ।

त्यसबारे सचिवालयद्वारा दिइएको विवरण यस्तो छः