नवलपुर ।
नवलपुरमा लागुऔषध सहित २ जना पक्राउ परेका छन् । जिल्ला प्रहरी कार्यालय नवलपुरको प्रहरी टोलीले २ जनालाई पक्राउ गरेको हो । पुर्वपश्चिम मुख्यमार्गमा चेकिङमा बसेको प्रहरी टोलीले आज बुधवार साँझ बसमा पश्चिमबाट पुर्वतर्फ आउँदै गरेका २ जनालाई कावासोतीवाट नियन्त्रणमा लिएको छ ।
जिल्ला प्रहरी कार्यालय नवलपुरका अनुसार ना ७ ख ६८१ नं को बसमा सवार गैंडाकोट नगरपालिका वडा नं. ५ का ३० बर्षीय तारा बुढा मगर र बाग्लुङ जिल्लाको साविक जैदी गाबिस वडा नं ९ स्थायी ठेगाना भएका हाल गैडाकोट नगरपालिका वडा नं ५ मा बस्दै आएका बर्ष २८ का प्रेमकुमार राना पक्राउ परेको प्रहरी कार्यालयका सुचना अधिकारी दिलीपकुमार गिरीले जानकारी दिए ।
प्रहरीले उनीहरुको साथवाट डाईजापाम ६० एम्पुल, फेनरागन ६० एप्पुल र नुर्फिन ६० एप्पुल गरी कुल १ सय ८० एम्पुल लागुऔषध सहित नियन्त्रणमा लिएर आवश्यक अनुसन्धान थालेको जनाएको छ ।
