मिनाक्षि कंडेल, कावासोती ।
राष्ट्रिय परिचपत्र अभिलेखीकारणको काम कावासोती नगरपालिकामा सुरु भएको छ । जिल्लाको गैंडाकोट नगरपालिकाबाट सुरु गरिएको अभिलेखीकरणको काम बुधबारदेखि कावासोतीमा पनि सुरु गरिएको हो । यसअघि गैडाकोट र देवचुलीमा नगरपालिकामा अभिलेखीकरणको काम सम्पन्न गरी १८ गतेबाट कावासोती नगरपालिकामा सुरु गरिएको प्रमुख जिल्ला अधिकारी मनमायाँ पङगेनी भट्टराईले जानकारी दिनुभयो ।
गैडाकोट नगरपालिकामा ४३ हजार १सय ६९ जना मतदातामध्ये ३० हजार २सय १८९७०५० लक्ष्य रहेकामा ३६हजार ५सय ७४ जनाले फोटो खिचाउने र बिवरण भरेका छन् । जुन संख्या लक्ष्यभन्दा बढि रहेको गैडाकोट नगरपालिकाले जनाएको छ । त्यस्तै देवचुली नगरपालिकामा मङगलबारसम्म ३२ हजार ३ सय ८ जना मतदाता रहेकोमा लक्ष्यभन्दा २७ हजार ९ सय ९६ जनाले फोटो खिचाउने र बिवरण भरेको सहायक जिल्ला अधिकारी मोहन बहादुर थापाले जानकारी दिनुभयो ।
कावासोती नगरपालिका भन्दा टाढा रहेका स्थानहरु वडा नं १४,१५,१६ र १७ नं वडाबाट परिचय पत्र अभिलेख राख्ने काम सञ्चालनमा रहेको थापाले बताउनुभयो । जिल्ला प्रशासन कार्यालय नवलपुरले ३ महिनामा सबै स्थानिय तहमा काम सक्ने लक्ष्य लिएता पनि अनुमानित भन्दा बढि मतदाता बढ्दा समयावधि बढ्ने सहायक जिल्ला अधिकारी थापाले बताउनुभयो ।
राष्ट्रिय परिचय पत्रका लागि प्रशासन कार्यालय र वडामा २ वटा स्टेशन रहेको छ । नेपाल सरकारले डिजिटाईज नेपालको परिकल्पना अनुसार राष्ट्रिय परिचयपत्र बनाएपछि ब्यक्तिलाई नेपाली नागरिकताको प्रयोग भन्दा राष्ट्रिय परिचयपत्रको प्रयोग थप प्रभावकारी हुने आशा लिईएको छ ।
