गैंडाको आक्रमणबाट नवलपुरमा एक महिलाको मृत्यु

नवलपुर। नवलपरासी पूर्व (नवलपुरमा) गैंडाको आक्रमणमा परि बिहिबार एक जना महिलाको मृत्यु भएको छ ।

जिल्ला प्रहरी कार्यालय नवलपरासी पूर्वका डिएसपी दिलिप कुमार गिरीले दिनुभएको जानकारी अनुसार मध्यविन्दु–१२ की ४४ वर्षीया पविसरा बि.क. को मृत्यु भएको हो ।

आफ्नै बारीमा घाँस काट्न गएको समयमा गैंडाले बि.क.लाई आक्रमण गरेको थियो । गैंडाको आक्रमणबाट बि.क.को घटना स्थलमा नै मृत्यु भएको प्रहरीले जानकारी दिएको छ ।