पावर संदेश,नवलपुर ।
महिला कल्याण बहुउदेश्यीय सहकारी संस्था लि.(देवचुली) को उपाध्यक्ष पदको लागि भएको मतदानको मतगणना सम्पन्न भई परीणाम सार्वजनिक भएको छ । अन्य सम्पूर्ण पदमा सहमति जुटेपनि उपाध्यक्ष पदमा दुई आकक्षिहरु (हरिकला पुरी र शेषकान्ती सापकोटा) देखिए पछि र उहाँहरु बिच सहमति जुट्न नसकेपछि निर्वाचन गरिएको थियो ।
सार्वजनिक भएको मतपरिणाम अनुसार हकिला पुरी अत्याधिक मतले विजयी हुनुभएको छ । जम्मा खसेको ५ सय ३४ मतबाट विजयी उमेद्वार हरिकला पुरीले ५ सय ८ मत प्राप्त गर्नुभएको छ भने उहाँको प्रतिद्धोन्दी शेषकान्ती सापकोटाले १५ मत प्राप्त गर्नुभएको छ । त्यस्तै निर्वाचन सिमितिले दिएको जानकारी अनुसार ११ मत बदर भएका छन् ।
शनिवार भएको निर्वाचनमा कुल २ हजार १ सय ८० शेयर सदस्य मतदाता रहेको संस्थामा कुल सदस्यको करीव २५ प्रतिशत मात्र मतदान प्रक्रियामा सहभागी भएका थिए ।
उपाध्यक्ष पदको प्रत्यासी मध्ये शेषकान्ती सापकोटाले निर्वाचनको बहानामा संस्था र शेयर सदस्यहरुको रकम खर्च गर्न उपयुक्त नुहुने भन्दै आफु उम्मेद्वार नरहेको प्रेस–बिज्ञप्त नै निकालेर निर्वचन समिति र नगरपालिकालाई जानकारी गराउनु भएको थियो ।
३१० जना महिलाले चुनाव नगराउन नगरपालिका समक्ष हस्ताक्षर गरि लिखित आग्रह गरेता पनि निर्वाचनमा जानेबाहेक अन्य विकल्प नरहेका कारण नगरपालिकाले चुनाव गराउन अनुमति दिएको थियो।
निर्वाचन समितिका अनुसार निर्वाचन सम्पन्न भएपश्चात् मतपरिणाम सार्वजनिकभएको छ । मतपरिणाम अनुसार उपाध्यक्ष पदमा हरिकला परी निर्वाचित हुनु भएको समितिका संयोजक धर्मदत्त भुसालले जानकारी दिनुभयो ।
निर्वाचित सम्पूर्ण पदाधिकारी तथा सदस्यलाई सपथ ग्रहण सहित पद हस्तान्तरणको कार्यक्रम गर्न बाँकी नै छ । सपथ ग्रहण र पद हस्तान्तरण गर्ने मितिको भने टुंगो लागेको छैन ।
