नवलपुरको राष्ट्रपति रनिङ शिल्ड प्रतियोगिताः मणिसंगम प्रथम, मध्यबिन्दु कलेज द्वितीय

नवलपुर ।

पूर्वी नवलपरासीमा भएको १३ औं राष्ट्रपति रनिङ शिल्ड प्रतियोगितामा ९ स्वर्ण र २ रजत पदक सहित डाँडाजोरको मणिसंगम मावि जिल्ला प्रथम भएको छ । कावासोती १४ जनता मावि त्रिभुवनटारमा भएको फाइलन प्रतियोगितामा मध्यविन्दु बहुमुखी कलेज कावासोती ४ स्वर्ण र १ रजत सहित द्वितीय भएका छन् ।

त्यसैगरी जनता मावि त्रिभुवनटार ३ स्वर्ण १ रजत सहित तृतीय भएका छन् । शुक्रबार र शनिबारगरी दुई दिनसम्म चलेको प्रतियोगितामा जनता मावि बेलुवा २ स्वर्ण, २ रजत सहित चौथो, भानुदय नमुना मावि दुम्किबास २ स्वर्ण, १ रजत र १ कास्य सहित पाँचौ, मुकुन्दसेन इलिङ्ग बोर्डिङ स्कूल २ स्वर्ण, १ रजत र १ कास्य सहित छैठौं र शिद्धार्थ बोर्डिङ स्कूल २ स्वर्ण र १ कास्य पदकको साथमा सातौं भएको छ ।