बीरगञ्ज, ३१ चैत । कोरोना संक्रमणका कारण मंगलबार नारायणी अस्पतालमा मंगलबार बिहान मात्रै दुई जनाको मृत्यु भएको छ ।
बारा जितपुर छाता पिपरा वडा नं.९ का ३७ वर्षीय युवाको नारायणी अस्पताल बीरगञ्जमा मृत्यु भएको हो । उनको आज बिहान ३ः३० बजे मृत्यु भएको अस्पतालले जनाएको छ । उनी दुई दिन अघि मात्र अस्पताल भर्ना भएका थिए ।
मृत्यु भएका युवक यही चैत १४ गते मात्र भारतको हैदरावादबाट नेपाल आएका थिए । मृत्यु भएका युवक होली भन्दा २ दिन अघि हैदरावाद बाट आएका थिए ।
त्यसैगरी आज बिहान नै नारायणी अस्पतालमा बीरगन्ज महानगरपालिका वडा नं.३ का एक वृद्धको मृत्यु भएको हो । ६२ वर्षीय बृद्धको बिहान ८ः३० बजे मृत्यु भएको अस्पतालले जनाएको छ । उनी २९ गते मात्र अस्पताल भर्ना भएका थिए ।
