नवलपुर । पछिल्लो १२ घण्टा यताको लगातार बर्षाका कारण नदी, खोला एवं तटिय क्षेत्रमा पानिको सतह बढ्ने हुदाँ सम्भावित जोखिमबाट सर्तक रहन पूर्वानुमान जल तथा मौसम विभागले अनुरोध गरेको छ । नवलपरासी पूर्व (नवलपुर) तथा नवलपरासी पश्चिम क्षेत्रमा निरन्तर बर्षा भईरहेकाले नदी, खोला एवं तटिय क्षेत्र वरपर बस्ने बासिन्दाहरुलाई उच्च सर्तकता अपनाउन अनुरोध गरिएको हो ।
जल तथा मौसम विभागले नवलपुरको गिरुवारी, डण्डा, गैडाकोट, अरुङ्गखोला एवं नवलपरासी पश्चिम बर्दघाट आसपासका क्षेत्रहरुमा भारी बर्षा भएको र शनिवार सम्म निरन्तर बर्षा हुँने हुँदा यस क्षेत्रमा बसोबास गर्ने नागरिकलाई थप सर्तकता अपनाउन अनुरोध गरेको छ । बर्षा मापन केन्द्रले दिएको जानकारी अनुसार हाल सम्म यि क्षेत्रहरुमा एक सय नौ मिलि मिटर नाघेको र यो थप बढ्ने जनाएको छ ।
निरन्तर बर्षाका कारण आकस्मिक बाढी तथा पहिरो आउन सक्ने र तटिय क्षेत्रमा भोलि विहान सम्म सर्तक रहन आग्रह गरेको छ ।
