प्रदेश सरकारबाट देवचुली १२ मा गतबर्ष ८ योजना सम्पन्न, महामारीमा समेत रोकिएनन् वडाध्यक्ष भुसाल

भिम भुसाल, देवचुली ।
कोरोना महामारिले विश्व नै अस्तब्यस्त रहिरहदा पूर्वि नवलपरासीको देवचुली १२ ले भने जनतामुखी कार्यक्रम सञ्चालन गर्न सफल भएको छ । देवचुली नगरपालिका वडा नम्बर १२ ले वडागत, नगर हुँदै प्रदेश स्तरका विभिन्न योजनाहरु वडामा सम्पन्न गर्न सफल भएको हो ।
जनतालाई खुशी र सुखी गराउने अभियानमा लागेको देवचुली नगरपालिका वडा नं १२ वडाकार्यालयले आर्थिक वर्ष २०७७÷७८ मा कोरोनाले विश्व नै अस्तब्यस्त रहदा जनतामुखी कामलाई निरन्तरता पाईरह्यो ।
देवचुली नगरपालिकाबाट वार्षिक बजेट जम्मा ४० लाख पाएको वडा कार्यालयले त्यतिमा मात्रै सिमित नरही वडा समिती सदस्यहरूको पहलमा प्रदेश र केन्द्र सरकार बाट विभिन्न योजना पारेर बिकासका काम सम्पन्न गरेको छ ।
यस वडाले प्रदेश सरकार अन्तर्गतको कृषि ज्ञान केन्द्र तनहुँ बाट ५ लाखका दरले ८ वटा योजना सम्पन्न गरेको छ । वडा अध्यक्ष दिनानाथ भुसालका अनुशार वडा सदस्यहरुको साथमा वडा भित्रका विभिन्न कृषकसमुहलाई प्रदेश सरकारबाट योजना पार्न सफल भएको बताउनुभयो । वडाभित्रका.जैविक कृषक समूह,.लक्ष्मी विकास समूह, हरियाली कूषक समूह, मुक्तिक्षेत्र नमुना गाउँ कृषक समूह, गैंंडी कृषक समूह, गैंडि नहर कृषक समूह, जनवस्ति कृषक समूह, र कालिका टोल कृषक समूहमा प्रदेश योजना सम्पन्न भैसकेको छ ।
वडाले आर्थिक वर्ष २०७७÷७८ मा सिचाईको लागि केन्द्र सरकारको आर्थिक अनुदानमा देवचुली नगरपालिका वडा नम्बर १२ गैंडी चोकमा वोरिङ खन्ने काम सम्पन्न गरेको छ । अघिल्लो आर्थिक वर्षमाकाम सुरू भएको लक्ष्मीपुर र मुक्तिक्षेत्रका वोरिङ यसै आर्थिक वर्ष ०७८÷७९ मा सञ्चालनमा आउने छन् । अन्नपूर्ण गहुँ वालि पकेट क्षेत्रका लागि अनुदानमा टेक्टर, वडा गत बजेटबाट बाख्रा र भैंसी पालक ९ जना कुषकलाई २५ हजारको दरले घाँस काट्ने मेसिन,दुई जना कृषकलाई उन्नत जातको बाख्रा अनुदानमा उपलब्ध गराएको छ ।
वडा अध्यक्ष भुसालका अनुशार कोरोना माहामारी विकासका काममा प्रभाव पारेको बताउनुभयो । जति सोचेका थियौँ त्यति सम्पन्न गर्न नसकेपनी जनताको आवश्यकता अनुशारको हरसम्भव विकास र योजना सम्पन्न गर्न सफल भएको बताउनुभयो ।
वडा गत बजेट र अन्य सहयोग बाट जनवस्ती बाटो स्तर उन्नति २० लाख , प्रगतीटोल कालो पत्रे ६५ लाख , दिब्यनगर वडा कार्यालय सडक कालो पत्रे ३० लाख, गैंडी मुक्तिक्षेत्र सडक ५ लाख, संसद बिकाश कोष अन्तगर्तको १० लाखले कालिका टोल मुक्तिक्षेत्र कुलो मर्मतकाे काम सम्पन्न भईसकेकाे छ ।  त्यस्तै आर्थिक बर्ष ०७७÷०७८ मा , विपन्न परिवारका घर निर्माणको शुरूवात , एम्बुलेन्स खरिद प्रक्रिया सुरू र बजेट व्यवस्थापन ,वौलाहा खोला तटबन्धको शुरुवात भएको छ ।