मदन अर्याल, देवचुली । पछिल्लाे समय देवचुली नगरपालिका वडा नं ९ स्थित घुमाउरी पिकनिक स्पाेर्टकाे स्वरुपनै परिवर्तन हुन थालेकाे छ । बर्सेनि विभिन्न ठाउँवाट हजाराै संख्यामा पर्यटकहरु पिकनिक, भ्रमण तथा अवलाेकनकाे लागि आउने गर्दछन । संघिय, प्रदेश तथा स्थानिय निकायकाे पहलमा पिकनिक स्पाेर्टकाे विकास निर्माणकाे कामले तिव्रता पाउन थालेकाे छ । 
घुमाउरी पर्यटन पुर्वाधार विकासका लागि पर्यटन मन्त्रालय मार्फत दस लाख बजेट विनियाेज भएपछि वार्षिक याेजना अन्तरगत पिकनिक स्पाेर्ट जाने मुल बाटाे निर्माण देखि, पार्क तथा बगैँचा भित्र बाटाे निर्माण, दुई वटा हात्तीको मुर्ती, २० वटा कंकृट कुर्ची, पानिकाे फाेहाेरा, चार वटा झलुङ्गा, खानेपानि, विद्युत लगाएतका पुर्वाधार निर्माण तथा स्तराेन्नतीकाे कामले तिव्रता पाएकाे छ भने बाेट विरुवामा रङराेगन, वृक्षाराेपण तथा सरसफाईले पिकनिक स्पाेर्टकाे मुहार नै परिवर्तन भएकाे छ । 
त्यस्तै घुमाउरी सामुदायीक वनका अध्यक्ष दिपक भट्टराईले दिनुभएकाे जानकारी अनुसार घुमाउरी सामुदायिक वन तथा पिकनिक स्पाेर्टकाे बृहत् विकासकाे लागि आफू प्रतिबद्ध रहेकाे र भावि याेजना अन्तरगत मन्दिर सहितकाे पाेखरी निर्माण, ड्याम सहितकाे कृतिम तालकाे निर्माण गरि बाेटीङ तथा सिचाईकाे लागि पानिकाे संचय, आमा आश्रम तथा बृद्धबृद्धा पार्क निर्माणकाे लागि पहल भईरहेकाे जनाउनु भयाे । 
पुर्वाधार निर्माणबाट पछिल्लाे समय पर्यटकहरुकाे आगमनमा वृद्धि भएकाे र यस घुमाउरी स्पाेर्टलाई आकर्षण र व्यवस्थित बनाउन सकेमा आन्तरिक तथा बाह्य पर्यटककाे आगमनलाई वृद्धि गर्न सकिने विश्वास पनि व्यत्त गर्नुभयाे ।
