भिम भुसाल, नवलपुर ।
स्थानिय तथा प्रदेश सरकारले प्राप्त गरेको अधिकार केन्द्रिय सरकारले खोसेको भन्दै गण्डकी प्रदेशका मुख्यमन्त्रीले गुनासो गर्नुभएको छ । धुसेरी सामुदायीक वन उपभोत्ता समूहको रजतजयन्तीको अवशरमा गण्डकी प्रदेशका मुख्यमन्त्री कृष्णचन्द्र नेपाली पोखरेलले संविधानमा उल्लेखित अधिकार दिनबाट केन्द्रले कन्जुस्याई गरेको भन्दै गुनासो गर्नुभएको हो ।
रुख काट्ने सामान्य अधिकार समेत केन्द्रले राख्दा विकास निमार्णमा समेत अवरोध र ढिलाई भैरहेको बताउनुभयो । वन, खानेपानी लगाएतका विविध विकासका काममा सरकार–सरकारबिच बाँझिएको ऐनले दुविधा सिर्जना गरेको भन्दै मुख्यमन्त्री पोखरेलले ऐन जनमैत्री बनाउन आवश्यक रहेको उल्लेख गर्नुभयो ।
साथै मुख्यमन्त्री पोखरेलले प्रदेश सरकारले ८ महिनाको अवधिमा स्वास्थ्य, मानव आश्रम, कोभिड राहात लगाएतमा उल्लेख्य काम गरेको जानकारी दिनुभयो । यहि १ गते देखि लागुहुने गरी प्रदेश सरकारले निशुल्क ब्लडबैंक संचालनमा ल्याएको समेत उल्लेख गर्नुभयो ।
प्रदेश सरकारले मानव सेवा आश्रमसँगको समन्वयमा प्रत्येक वेवारीसे ब्यक्तिलाई प्रतिमहिना ३ हजार रुपैया उपलब्ध गराएर सडक मानव मुक्त प्रदेश बनाईएको दाबी गर्नुभयो । साथै गण्डकी प्रदेश सरकारले कोभिडबाट मृत्युहुने ब्यत्तिको परिवारलाई ५० हजार रुपैयाको दरले उलब्ध गराएको, कोभिडले आमाबुवा गुमाएका बालवालिकालाई ५ हजार रुपैयको दरले उपलब्ध गराएको बताउनुभयो ।
नवलपुरको धुसेरी सामुदायिक वन २५ वर्ष पुगेको उपलक्ष्यमा वनलाई विभिन्न समयमा सहयोग गर्ने ब्यक्ति तथा संस्था, पुर्व अध्यक्षहरुलाई सम्मान गरिनुका साथै रजत स्मारिका समेत विमोचन गरिएको थियो । बनका अध्यक्ष लोकबहादुर कार्की क्षेत्रीको अध्यक्षतामा भएको कार्यक्रममा गण्डकी प्रदेशका मुख्यमन्त्री कृष्णचन्द्र नेपाली पोखरेलको प्रमुख आतिथ्यता रहेको थियो ।
