देवचुली, मदन अर्याल ।
देवचुलीमा नो लाल पुर्जा नो भोट अभियानले तिव्रता पाउन थालेको छ । लाल पुर्जा नपाए सम्म भोट नहाल्ने घोषणा गरेका देवचुली ४ र ५ सुकुम्बासीहरुले दिव्यपुरी खानेपानी चुनाव बहिस्कार गर्ने भएका हुन् ।
चुनाव अघि राजनैतिक पार्टीका नेतृत्वहरुले बारम्बार लाल पुर्जा दिने आश्वासन दिएपनि चुनाव पछि सुकुम्बासीको समस्यामा कुनै चासो नदेखाएको भन्दै सुकुम्बासी संघर्ष समितिले स्थानिय संघसंस्था एवं तिनै तहको निर्वाचनमा सहभागी नहुने बताएको छ । समितिले चैत १९ गते हुन लागेको दिव्यपुरी खानेपानी तथा सरसफाइ उपभोक्त संस्थाको चुनावमा वडा नम्बर ४ र ५ संलग्न नहुने बताएको छ ।
संघर्ष समितिका संयोजक गणेश गुरुङ नेतृत्वमा आइतवार खानेपानीको कार्यलयमा पुगि आफ्नो माग पुरा नभए सम्म चुनावमा सहभागि नहुने विज्ञप्ती समेत दिएका छन ।
संघर्ष समितिले चैत १२ गतेको बैठकले आफ्ना माग पुरा नभए सम्म कुनैपनि चुनावमा सहभागी नहुने निर्णय गरेको थियो ।