कावासोतीमा ट्रकले ठक्कर दिदा टिउसन हिडेकी युवती गम्भीर घाईते

नवलपुर । नवलपुरको कावासोतीमा रहेको जिल्ला प्रहरी कार्यालय नजिकै थाना चोकमा ट्रकले ठक्कर दिदा २० वर्षीय युवती गम्भीर घाईते भएकी छिन ।
कावासोतीको थाना चोकमा देवचुली-७ कि अनिशा अधिकारीलाई बिहान करिब ७स्४५ को समयमा लु २ ख ५६७१ नं को ट्रकले ठक्कर दिएको नवलपुर प्रहरी प्रमुख प्रज्वल मर्हजनले जानकारी दिएका छ्न् । टिउसन पढ्न जादै गर्दा थाना चोकमा ट्रकले ठक्कर दिएको महर्जनले बताउनु भएको छ ।
ट्रकको ठक्करबाट गम्भीर घाइते अधिकारीको कम्मरमा गहिरो चोट लागेको बताईएको छ ।
प्रहरीका अनुसार ट्रकको ठक्करबाट गम्भीर घाईते युवतीलाई उपचारको लागि तत्काल कालीगण्डकी अस्पताल पुर्‍याईएको र त्यहा उपचार हुन नसके पछि थप उपचारको लागि भरतपुर पठाईएको छ ।
ठक्कर दिने ट्रकको चालक र ट्रक प्रहरी नियन्त्रणमा रहेको प्रहरीले जनाएको छ ।