वन्यजन्तु सप्ताहकाे अवसरमा शिसवार मध्यवर्ती उपभोक्ता समितिकाे सरसफाई कार्यक्रम

डि आर क्षेत्रि ।
२७ औं वन्यजन्तु सप्ताह-२०७९ काे अवसरमा नवलपुरमा पनि शिसवारमा वन्यजन्तु सप्ताह कार्यक्रम गरिएकाे छ ।
मानव वन्यजन्तु सह अस्तित्व : हाम्राे साझा दायित्व भन्ने मुल नाराका साथ चितवन राष्ट्रिय निकुञ्ज , शिसवार मध्यवर्ती उपभोक्ता समितिकाे आयाेजनामा वन्यजन्तु सप्ताह कार्यक्रम गरिएकाे हाे ।
हरेक बर्ष देश भरिनै वैशाख १ देखि ७ गते सम्म वन्यजन्तु संरक्षण गर्ने उद्देश्यका साथ देशै भरि विभिन्न सचेतना मुलक कार्यक्रम गर्दै वन्यजन्तु सप्ताह मनाईने गरिन्छ ।
शिसवार मध्यवर्ती उपभोक्ता समितिले पनि सप्ताहकाे चाैथाे दिन निकुञ्ज तथा नारायणी किनारमा सरसफाई कार्यक्रम गरिएकाे शिवसार मध्यवर्ती उपभोक्ता समितिका अध्यक्ष नेत्र वहादुर पाण्डे जानकारी दिनु भयाे ।
कार्यक्रममा प्रमुख अतिथि चितवन राष्ट्रिय निकुञ्जका सहायक संरक्षण अधिकृत सान्त वहादुर मगर , विशेष अतिथि मध्यवर्ती क्षेत्र व्यवस्थापन समिति नवलपुरका संयाेजक केदार नाथ घिमिरे , विशेष अतिथि जिल्ला वन कार्यालय नवलपुरका सहायक वन अधिकृत अमृत ज्ञवालि , विशेष अतिथि ईलाका प्रहरी कार्यालय रजहर नवलपुरका प्रमुख प्रहरी निरिक्षक भिमसेन धिमिरे रहनुभएकाे थियाे भने कार्यक्रममा सामुदायिक वन , हाेम स्टे , समुदायमा आधारित चाेरि सिकार नियन्त्रणमा युवा जागरण अभियान , द्रुत सेवा दल ( RRT ) , रजहर मध्यवर्ती सहकारि संस्था , नेपाली सेना तथा प्रहरि जवानहरुकाे उपस्थिति रहेकाे थियाे ।
कार्यक्रममा वाेल्ने वक्ताहरुले नारायणी नदि सुक्दै गरेकाे , यसकाे वरिपरि भएको फाेहर व्यवस्थापनमा देखिएकाे चुनाैति तथा समस्याहरु , उद्योग धन्दाहरुले मिसावट गरेकाे ढलका वारेमा विषयवस्तुहरु उठान भएको थियाे र साथै समाधानका लागि सराेकारवाला निकाय संग सहकार्य गर्न पहल गर्नुपर्ने वताएका थिए । त्यस्तैगरि पछिल्लाे समय कुकुरकाे आक्रमणले चित्तलहरुलाई मारिरहेकाे सन्दर्भमा त्यसकाे न्युनिकरणका लागि समेत सवै लाग्नुपर्ने वताएका थिए । साथै पर्या पर्यटकिय गतिविधिहरुमा देखिएकाे ह्रास , आर्थिक अर्थतन्त्र उकास्नका लागि पर्यटन मैत्रि वातावरण श्रृजना गर्नुपर्नेमा जाेड दिईएकाे थियाे ।
दुई वटा चरणमा भएको कार्यक्रमकाे पहिलाे चरणमा नारायणि नदि तटकाे सरसफाइ गरिएकाे थियाे भने दाेस्राे चरणमा सराेकार वाला संघ संस्थाका प्रमुख र उपस्थित व्यक्तित्वहरुले आ आफ्नो मन्तव्य , धारणा तथा शुभकामना आदान प्रदान गरिएको थियाे । कार्यक्रममा संस्थाका उपाध्यक्ष विन वहादुर जि एमकाे स्वागत मन्तव्य रहेकाे थियाे भने सहजिकरण संस्थाका कार्यालय सचिव सत्यराज अधिकारिले गर्नुभएको थियाे ।