मदन अर्याल, देवचुली
देवचुली नगरपालिका १३ मा संचालन भएकाे प्रथम वडाध्यक्ष कप फुटबल प्रतियोगिताकाे फाईनलमा देवचुली-११, धारापानी विजयी भएकाे छ । आज भएको फाईनल खेलमा देवचुली-१६, रजहर बिरुद्ध एक गाेल गर्दै देवचुली-११ धारापानीले उपाधि हात पारेकाे हाे ।
खेल सकिन करीव १३ मिनेट बाकिँ रहदा कप्तान सुमन आलेले हानेकाे गाेलनै निर्णायक गाेल हुन पुगेकाे थियाे ।
राष्ट्रको लागि खेलकुद, स्वास्थ्यका लागि खेलकुद भन्ने मूल नाराका साथ देवचुली १३ को आयोजना र देवचुली युथ क्लबको सह–आयोजनामा प्रथम वडाध्यक्ष कप फुटबल प्रतियोगिता सुरु भएको थियाे ।
खेलमा प्रथम स्थान हासिल गरेकाे देवचुली-११, धारापानीले नगद रू ४०००० र दाेस्राे स्थान हासिल गरेकाे देवचुली-१६, रजहरले नगद रू २५००० प्राप्त गरेका थिए ।