देवचुलीमा जिल्ला स्तरीय इन्टर कलेज क्रिकेट टुर्नामेन्ट हुने

अर्मान मियाँ , नवलपुर
नवलपुरको देवचुलीमा जिल्ला स्तरीय अन्तर कलेज क्रिकेट प्रतियोगीता हुने भएको छ । रोयल क्रिकेट एकेडेमी द्घारा उक्त खेलको आयोजना हुन लागेको हो । नवलपुर जिल्लाकै पहिलो क्रिकेट एकेडेमीको रुपमा देवचुली नगरपालिका वडा नं. १० स्थित गणेश टोलमा वि.सं. २०७८ सालमा स्थापना भएको यस एकेडेमीले पहिलो पटक इन्टर कलेज क्रिकेट टुर्नामेन्ट खेल गर्न लागेको हो ।
प्रथम पुरस्कार राशी रु.५०,०००/- (पचास हजार रुपैंया मात्र) र द्घितृय पुरस्कार राशी रु.२०,०००/- (विस हजार रुपैंया मात्र) रहेको छ । डिउज बल बाट उक्त खेल खेलाइने र सम्पुर्ण तयारी सकिएको रोयल क्रिकेट एकेडेमीका सञ्चालक विशाल पौडेलले जानकारी दिए । उक्त खेलमा जिल्ला भीत्रका बढिमा ८ वटा कलेजहरु पहिले टिम दर्ता हुने आधारमा खेल खेल्न पाउने छन । उक्त खेल देवचुली १० गणेश टोल स्थित रोयल क्रिकेट एकेडेमीको आफ्नै खेलमैदानमा सञ्चालन हुने छ ।

नवलपुर जिल्ला भीत्रका खेलाडीहरुलाइ राष्ट्रिय तथा अन्तराष्ट्रिय खेलहरु खेल्न सक्ने गरि तयार गर्ने यस एकेडेमिको मुख्य उदेश्य रहेको र अहिले यस एकेडेमीमा सिक्दै गरेका खेलाडीहरु राष्ट्रिय तथा प्रदेश स्तरका खेलहरु खेल्दै आइरहेको बताउदैे जिल्लामा भएका कलेजहरु विच प्रतिस्पर्धा गराउन लागेको रोयल क्रिकेट एकेडेमीका सञ्चालक पौडेलले जानकारी दिए ।