नवलपुर जिल्ला भित्र रहेका मार्टहरुको आज देवचुली-१३ दलदले स्थिति देवचुली मार्टमा बसेको भेलाबाट अध्यक्षमा सुनिल न्यौपाने चयन भएका छन । नवलपुर जिल्ला भित्र लगभग ४० वटा मार्टहरु रहेको र अहिले सम्म कुनै पनि संगठित संस्था नभएको कारण आज नवलपुर मार्ट संघको स्थापना गरिएको हो । पछिल्लो समयमा आर्थिक मन्दिका कारण आफुहरु मारमा परिरहेको र बैंकहरुले चर्काे ब्याजदर उठाउनुका साथै मार्टहरुको समस्याका बारेमा बोलिदिने कोही नभए पश्चात आफुहरुले यो संस्था खोल्नु परेको अध्यक्ष न्यौपानेले बताएका छन ।
आज बनेको समितिमा अध्यक्ष सुनिल न्यौपाने(देवचुली मार्ट) उपाध्यक्ष सुरेन्द्र आचार्य (दिव्य मार्ट), सचिव अर्जुन बास्ताकोटी (भिजन मार्ट), कोषध्यक्ष सुन्दर पाण्डे (इ मार्ट ) , सदस्यहरुमा कमल बहादुर (पुन जोय मार्ट) , सिजन पराजुी (किसान मार्ट) , तारा बहादुर वि.क(एस.आर.मार्ट) , जिवन सापकोटा (इजी मार्ट), महेश पौडेल (विजय श्री मार्ट) र दिपेन गुरुङ्ग (फेम्ली पोइन्ट मार्ट) गरी १० सदस्यीय जिल्ला संघको स्थापना भएको छ।
मार्टहरुले राष्ट्रिय र स्थानीय रुपमा उत्पाद भएका बस्तुहरुको खरिद विक्री गर्ने , विभिन्न किसीमका दैनिक उपभोग्य तथा घरमा प्रयोगमा आउने सरसामानहरु सुपथ मुल्यमा गुणस्तरीय सामान एकै ठाउँमा उपलब्ध गराउने हुदाँ उपभोक्तको समयको बचत हुने अध्यक्ष नौपानेले बताएका छन । आगामी दिनहरुमा यस संस्थाले व्यवसायिहरुलाइ थप जिम्बेवार बनाउदै लैजाने र संगठित रुपमा भैपरी आउने समस्याहरु समाधान गर्न सहयोग पुग्ने र जिल्ला भरीका मार्टहरुको साझा संघठनको अध्यक्ष भए सँगै थप जिम्बेवारी प्राप्त भएको र अब यहाँ हुने हरेक समस्याहरु समाधान गर्ने काम आफ्नो पहिलो प्रथामिकता रहेको न्यौपानेले बताएका छन ।