पवन बुढाथोकी, देवचुली ।
देवचुली नगरपालिका १ मा रहेको सफारी चोकमा प्रतिक्षालय बन्ने भएको छ । शनिवार जेष्ठ नागरिक नर्सिङ् ओझाले प्रतिक्षालयको शिलन्यास गर्नुभएको हो । समुदायको सहयोगमा मलामी तथा स्थानिय ब्यक्तिहरुको सहजताको लागि प्रतिक्षालय निमार्ण गरिएको जनाईएको छ ।
स्थानिय तोरण पौडेलले १५\१५ क्षेत्रफलको जग्गा उपलब्ध गराएर प्रतिक्षालय निमार्ण गर्न सहयोग गर्नुभएको छ । शिलन्यास कार्यक्रममा नै स्थानिय समाजसेवी कृष्ण गौतमले २५ हजार रुपैया प्रतिक्षालय निमार्णमा सहयोग गर्ने बचन दिनुभएको छ । स्थानिय क्लव तथा आमा समुहको छलफल तथा सामाजिक कार्य गर्न प्रतिक्षालयमा सहज हुने स्थानियले अपेक्षा लिएका छन् । शिलन्यास कार्यक्रममा देवचुली नगरपालिका १ वडाअध्यक्ष लक्ष्मण राज भण्डारीको प्रमुख आतिथ्यता रहेको थियो ।