भिमफेदिमा खहरे भेलले बगाउँदा एकको मृत्यु

रामचन्द्र मोक्तान, मकवानपुर ।

काठमाडौबाट घर आउँदै गर्दा मकवानपुरको भिमफेदी गाउँपालिका वडा नं ८ स्थित मोटरसाइकललाई खहरे भेलले बगाउँदा एक जनाको मृत्यु भएको छ । मृत्यु हुनेमा भिमफेदी वडा नं ८ कै कृष्ण खनाल रहेको जिल्ला प्रहरी कार्यलाय मकवानपुरका सूचना अधिकारि सुजन पाठकले बताए ।

गएराती काठमाडौबाट बा ४४ प ६०५८ नम्बरको मोटरसाइकलमा घर आउँदै गरेका खनाललाई भारी बर्षा संगै आएको खहरे भेलले मोटरसाइकल सहित बगाउँदा मृत्यु भएको प्रहरीले जनाएको छ । घटनाको थप अनुसन्धान भैरहेको प्रहरीले जनाएको छ ।