नवलपुर ।
नवलपुरको विनयी त्रिवेणी गाउँपालिका वडा नं. ४ स्थीत सुनही खोलाबाट गिट्टी–बालुवा चोरी गर्ने १४ वटा ट्याक्टर प्रहरीले नियन्त्रण गरेको छ । मिति २०७७/०८/१३ गते बिहान करीव ३ः ४५ मा ईलाका प्रहरी कार्यालय दुम्किबासबाट खटिएको प्रहरी गस्ति टोलीले ११ वटा नम्बर खुलेको र ३ वटा नम्बर नखुलेका ट्याक्टर नियन्त्रणमा लिएका हुन् ।
अवैधानिक तथा गैह्रकानुनी रुपमा गिट्टी–बालुवा ओसार पसार गर्दै गर्दा ट्राक्टरलाई नियन्त्रणमा लिएको जिल्ला प्रहरी कार्यालयले जानकारी दिएको छ । नियन्त्रणमा लिईएका ट्याक्टर अनुसन्धान तथा कानुनी कारबाहिका लागि सम्बन्धित निकायमा पठाएको कार्यालयले बताएको छ ।
कार्यालयका अनुसार नियन्त्रणमा लिईएका ट्याक्टरहरु लु ४ त ५४१, लु ३ त ७३४९, लु ४ त २१५१, लु ४ त १०७१, लु ४ त ३०४६, लु ४ त १०५८, लु ४ त ७९५, लु ४ त ४६११, लु ४ त १४७, लु ४ त ४४२६, लु ३ त ८३२१ नम्बरका रहेका छन् । भने अन्य ३ वटाको नम्बर खुलेको छैन । नम्बर नखुलेका ट्याक्टरहरुको प्रेस नोट जारी गरिएको प्रहरीले जनाएको छ ।
