कावासोतीबाट लागु औषध सहित दुई जना पक्राउ

नवलपुर ।
नवलपुरको कावासोती नगरपालिकाबाट प्रहरीले लागुऔषधसहित दुई जनालाई पक्राउ गरेको छ । विहान करीव ९ः४५ बजे कावासोती–१६ डण्डा स्थित भित्री सडक खण्डमा चेकिङकालागि खटिएको प्रहरी टोलीले पश्चिम देखी पूर्व तर्फ आउदैं गरेको लु २ ख २१३१ नं. को बसलाई चेकजाँच गर्ने क्रममा लागुऔसध सहित दुई जनालाई पक्राउ गरेको हो ।

पक्राउ पर्नेमा पर्वत कुस्मा नगरपालिका वडा नं.४ बस्ने वर्ष २१ को बबिन पुन र वडा नं. ८ बस्ने वर्ष २१ को अनिल परियार रहेको जिल्ला प्रहरी कार्यालयले जानकारी दिएको छ । उनिहरुको साथबाट नुफिन–५२ एम्पुल, फेनारागन–५२ एम्पुल र डाइजापाम–५२ एम्पुल बरामत भएको कार्यालयले जानकारी दिएको छ ।
उनिहरुलाई लागु औषध नियन्त्रण ऐन २०३३ बमोजिम थप अनुसन्धान भईरहेको जिल्ला प्रहरी कार्यालयले बताएको छ ।