महिनावारी सरसफाई र सेनेटरी प्याड निर्माण सम्बन्धी १ दिने तालिम देवचुलीमा सम्पन्न

दिपक शर्मा, देवचुली ।

किशोरीहरु तथा महिलाहरुलाई महिनावारी सरसफाई व्यवस्थापन र पुनः प्रयोग योग्य सेनेटरी प्याड बनाउने तालिम देवचुली ६ किर्तिपुरमा आज सम्पन्न गरिएको छ ।
सो कार्यक्रम दिगो खानेपानी तथा क्षमता अभिबृद्धी परियोजना ( नापा वास ) र जागृति बाल तथा युवा सरोकार नेपालको आयोजनमा देवचुली ६ कीर्तिपुरमा रहेका राष्ट्रिय शारदा आधारभुत विद्यालयका कक्षा ६ र ७ का विधार्थीहरु, शिक्षकहरु, स्वास्थ्यसेविका र महिलाहरुको लागि सञ्चालन गरीएको नापा वास परियोजनाका प्रविन घिमिरेले बताउनुभयो ।

महिनावारी सरसफाईमा स्थानीय स्तरमा अझै पनि कपडाहरुको प्रयोग गर्ने र यसको बारेमा रुढीबादी रहेकोले सो विस्थापन गर्दै सफा र प्रभावकारी रुपमा सेनेटरी प्याड घरमा नै कसरी बनाउन सकीन्छ र महिनावारीको बेलामा कसरी आफु सुरक्षित रहन सकीन्छ भन्ने बारेमा सैद्धान्तीक र व्यवहारीक शिक्षा सञ्चालन गरिएको प्रशिक्षक आशा वि।क।ले बताउनुभयो ।

कपडाबाट कसरी सेनेटरी प्याड बनाउन सकीन्छ र यसको फाईदाहरुको बारेमा थाहा पाउँदा खुसी लागेको सोही विद्यालयमा रहेको बालक्लवकी अध्यक्ष सुप्रिया गाहाले बताउनुभयो । ग्रामीण क्षेत्रमा पुराना कपडाहरुको प्रयोग गरेर महिनावारीको बेलामा प्रयोग गर्ने गरेको र आजको तालिमबाट आफैले प्याड बनाउन सिकेकोले अव आफैले यसको निर्माण गर्ने र अरुलाई समेत सिकाउने उहाँले बताउनुभयो ।

सो कार्यक्रममा ४० जना सहभागिहरु रहनुभएको थियो र कार्यक्रमको सहजिकरण आशा वि।क र विद्या ढुँगानाले सञ्चालन गर्नुभएको थियो ।